მსოფლიო

რატომ ითხოვენ შაურმის აკრძალვას ევროკავშირში?

ევროკავშირში შაურმის აკრძალვას ითხოვენ ფოსფატების გამო, რომელთაც მის დასამზადებლად განკუთვნილ ნახევარფაბრიკატ ხორცში იყენებენ.

ევროპელი მეცნიერების ნაწილი ამტკიცებს, რომ ეს ნივთიერება გულ-სისხლძარღვთა დაავადებებს იწვევს. ამ მოსაზრებას ევროპარლამენტარების ნაწილი იზიარებს და ფოსფატების გამოყენების შეზღუდვას ითხოვს. ეს კი ნიშნავს, რომ შესაძლოა, სულ მალე ევროპაში საშაურმეების დიდი ნაწილი დაიხუროს. რადგან, როგორც მზარეულები ამბობენ, ამ ელემენტის გარეშე ხორცი გამოშრება და დაიშლება.

საშაურმეების მფლობელები ევროპარლამენტარებს „რასობრივ დისკრიმინაციაშიც“ სდებენ ბრალს. მათი მტკიცებით, ფოსფატის გამოყენება ზოგიერთ ხორცპროდუქტში, მაგალითად სოსისში დაშვებული იქნება, ხოლო შაურმის დასამზადებელ ხორცში არა, რაც ნიშნავს, რომ აკრძალვა მხოლოდ შაურმაზეა გათვლილი, მას ყველაზე ხშირად თურქი მზარეულები ამზადებენ.

ევროპარლამენტარების მეორე ნაწილი აკრძალვის წინააღმდეგია. მათი თქმით, შაურმის აკრძალვის შემთხვევაში, ათასობით ადამიანი უმუშევარი დარჩება.

სტატისტიკური მონაცემებით, ყოველწიურად ევროკავშირის მოქალაქეები დაახლოებით 500 ტონა შაურმას მიირთმევენ. ამ პროდუქტის 70 პროცენტს გერმანიაში ამზადებენ.

Related Articles

Leave a Reply

Your email address will not be published. Required fields are marked *

Back to top button
Close