ნავზე, რომელიც ხმელთაშუა ზღვაში დაიკარგა, 45 მიგრანტი იმყოფება
საბერძნეთის სანაპირო დაცვა ხმელთაშუა ზღვაში მიგრანტებით სავსე ნავს ეძებს. გავრცელებული ინფორმაციით, განგაშის შესახებ სატელეფონო შეტყობინება სამაშველო სამსახურში ნავზე მყოფი ერთ-ერთი მიგრანტისგან მიიღეს, რომელიც იტყიბინებოდა, რომ ძრავის გაუმართაობის გამო, ნავს გადაადგილების პრობლემები შეექმნა.
ნავზე 45 ლტოლვილი იმყოფება. სამძებრო-სამაშველო ოპერაციებში სამაშველო ხომალდების გარდა, ავიაცია და მიმდებარე ტერიტორიაზე მყოფი თევზსაჭერი გემებიც არიან ჩართული.
ხმელთაშუა ზღვაში გასული რამდენიმე კვირის განმავლობაში 1100 -მდე მიგრანტი იტალიის სანაპირო დაცვამაც გადაარჩინა. მიგრანტები ათი გასაბერი ნავის საშუალებით, ზღვის გადაკვეთასა და ევროპის ტერიტორიაზე მოხვედრას ცდილობდნენ.
სწორედ საიმიგრაციო კრიზისი იქნება მთავარი განსახილველი საკითხი 29-30 ნოემბერს კოტ-დ’-ივუარში აფრიკული კავშირისა და ევროკავშირის რიგით მეხუთე სამიტზე, რომელში 80-მდე ქვეყნის სახელმწიფო მეთაური მიიღებს.
