“მიუღებელია საზღვრების ცალმხრივად შეცვლა, აშშ-ი ამას არასდროს აღიარებს”
მიუღებელია საერთაშორისოდ აღიარებული საზღვრების ცალმხრივად შეცვლა, აშშ-ი ამას არასდროს აღიარებს, – ამის შესახებ საქართველოში ამერიკის შეერთებული შტატების ელჩმა იან კელიმ განაცხადა. აშშ-ის ელჩი სოფელ ყარაფილაში საოკუპაციო საზღვართან იმყოფებოდა.
„ეს ადგილი ახლოს არის ქვეყნის ცენტრალურ მაგისტრალთან, რომელსაც სტრატეგიული მნიშვნელობა აქვს. 21-ე საუკუნეში, როცა მეზობელი სახელმწიფოს მიერ ხდება ტერიტორიული მთლიანობის ასეთი უხეში დარღვევა, აშშ-ი ამაზე საუბარს გააგრძელებს და ხმას აიმაღლებს.
მიუღებელია საერთაშორისოდ აღიარებული საზღვრების ცალმხრივად შეცვლა, აშშ-ი ამას არასდროს აღიარებს. ეს არის საქართვლოს სუვერენიტეტის დარღვევა.
რაც შეეხება საკითხის მოგვარებას, ეს არის პრაგმატული მიდგომები, რომელიც საქართველოს აქვს, მეტი პროგრესი ჟენევის მოლაპარაკებებში და მეტი საუბარი ამაზე“, – განაცხადა იან კელიმ.
საზოგადოებრივი მაუწყებელი