საზოგადოება

,,მერიაში ბევრი ახალი ადამიანი მოვა…”

კახა კალაძე თბილისის მერიაში ატესტაციის ჩატარებას გეგმავს. მისივე თქმით, მოხდება რეორგანიზაცია იმ საქალაქო სამსახურების, რომელთა უფლებამოსილებებიც ერთმანეთში იკვეთება.

– არიან ადამიანები, ვინც პროფესიონალები და კომპეტენტურები არიან. ვიმოქმედებთ აბსოლუტურად გამჭვირვალედ და ღიად. არავის ვებრძვი. ჩატარდება ატესტაციები, ასევე, იქნება გარკვეული სამსახურების ცვლილებები. ბევრი სამსახური თავის უფლებამოსილებას ერთმანეთში კვეთენ. ჩვენთვის მთავარია პროფესიონალიზმი, კომპეტენტურობა და პატიოსნება. საზოგადოებამ მე მომანიჭა ძალიან სერიოზული მანდატი, ვიყო ქალაქის მერი. ეს არის ძალიან დიდი პასუხისმგებლობა ჩემთვის და ჩემი თანაგუნდელებისთვის. ხალხს აქვს ძალიან დიდი იმედი და, მე შესაბამისად უნდა ვიმოქმედო, რომ იმედები არ გავუცრუო მოსახლეობას. მაქსიმუმს და ყველაფერს გავაკეთებ, დღე და ღამე ვიშრომებ იმისთვის, რომ არსებული რეალობა შევცვალო. ადამიანების სწორად გამოყენება იქნება ძალიან მნიშვნელოვანი. არიან მერიაში კომპეტენტური ადამიანები, რომელთა კვალიფიცია ამ პროცესებში იქნება ძალიან მნიშვნელოვანი. ბევრი ახალი ადამიანი მოვა, თუმცა ნათესავი, ბიძაშვილი, მამიდაშვილი, ეს ვეღარ და აღარ იქნება, – განაცხადა კალაძემ.

www.akhalitaoba.ge

Related Articles

Leave a Reply

Your email address will not be published. Required fields are marked *

Back to top button
Close