საზოგადოება

კრიპტოვალუტას ჭორაობის დროსაც გამოიმუშავებთ

კრიპტოვალუტის ფეხით სიარულით გამომუშავების შესახებ ინფორმაციამ ხალისიან განწყობაზე დაგვაყენა. როგორც ჩანს, ცოტა ხანში მსოფლიოში უმუშევრობის დონე საგრძნობლად დაიწევს, რადგან ვიტუალურ ფულს ადამიანები ყველა ქმედებაში გამოიმუშავებენ. მაგალითად, დაჯდები დაქალებთან ერთად კაფეში, მაგრად წაიჭორავებ და თან ფულსაც შეაგროვებ, რადგან ჭორაობაც ფულის წყარო გახდება. ან საქეიფოდ წახვალ რესტორანში და რაც მეტს დალევ ან იცეკვებ, მით მეტ ფული ფული გექნება და ა.შ. ეს, რა თქმა უნდა, ჯერ ხუმრობა და თუ გნებავთ ოცნებაა, რეალობა კი ასეთი გახლავთ:

შეიქმნა მობილური აპლიკაცია, რომლის დახმარებითაც კრიპტოვალუტის გამომუშავებაა შესაძლებელი, ოღონდ იმ განსხვავებით, რომ მაინინგის ნაცვლად ადამიანმა ფეხით უნდა იაროს. საუბარია მობილურ აპლიკაცია Sweatcoin-ზე. ინფორმაციას on.ge ავრცელებს.

აპლიკაცია Sweatcoin-ი iOS და ანდროიდის სისტემებზეა გათვლილი და დღის განმავლობაში ადამიანის მიერ გავლილ ნაბიჯებს ითვლის. ნაბიჯების რაოდენობას კი შემდეგ ციფრული ვალუტის ახალ სახეობაში, Sweatcoin-ში ახურდავებს.

აპლიკაციით კრიპტოვალუტის გამომუშავება შემდეგნაირად ხდება: ადამიანს, რომელსაც აპლიკაცია აქვს ჩამოწერილი ქუჩებში უნდა იაროს, ამასთან აპლიკაცია დაკავშირებული უნდა იყოს GPS-სისტემასთან, რათა აღიქვას რომ ადამიანი ნამდვილად მოძრაობს. ამასთან, მომხმარებლებმა უნდა იცოდნენ, რომ აპლიკაციას ვერ მოატყუებენ სარბენ ბილიკზე, სახლში ან სამსახურში გადადგმული ნაბიჯებით. ყოველ 1000 ნაბიჯზე 1 Sweatcoin-ი ირიცხება.

ახალი კრიპტოვალუტის მეშვეობით შესაძლებელია Delta-ს, PayPal-ის სასაჩუქრე ბარათის და iPhone X-ს შეძენაც კი. აპლიკაცია მომხმარებლებისთვის უფასოა.

Related Articles

Leave a Reply

Your email address will not be published. Required fields are marked *

Back to top button
Close