საზოგადოება
,,ვპირდები ივანიშვილსა და გახარიას: ძალიან მალე მიეცემით პასუხისგებაში დავით გარეჯის გაყიდვისათვის”
შალვა ნათელაშვილი, ლეიბორისტული პარტიის ლიდერი:
_ ახლა ვუსმინე ახლად გამომცხვარ უსაფრთხოების საბჭოს მდივან, პანკისიდან კუდამოძუებით გამოქცეულ გახარიას, თურმე ოკუპაციის დროს როცა მიწას გართმევენ, სალოცავებს გიკეტავენ, ისტორიას გიმრუდებენ ხმის ამოღება, პროტესტი და სიმართლის თქმა ეთნიკური შუღლის გაღვივება ყოფილა. ვეკითხები ამ პუტინისგან მოვლინებულ ჩინოსანს—— ვინც ღობავს ის არ აღვივებს ეთნიკურ შუღლს? პანკისში რომ სპეცრაზმს შეიყვან არაა, ეს ეთნიკური შუღლის კი არა, ეთნოკონფლიქტის მცდელობაა? ვპირდები ივანიშვილსა და მის აჩრდილ გახარიას, თქვენ ძალიან მალე მიეცემით პასუხისგებაში დავით გარეჯის გაყიდვისათვის.
