საზოგადოება

ევროკავშირის ელჩის მოვალეობის შემსრულებელი საქართველოს სხვადასხვა სახის დახმარებას შეპირდა

    საქართველოს პრემიერ-მინისტრი გიორგი კვირიკაშვილი საქართველოში ევროკავშირის ელჩის მოვალეობის შემსრულებელს შეხვდა. კარლო ნატალემ პრემიერ-მინისტრს, ევროკავშირის სახელით, ქართველი ხალხის და საქართველოს მთავრობის მხარდაჭერა დაუფიქსირა და სხვადასხვა სახის დახმარების გაწევის მზადყოფნა გამოთქვა.

 ,,ჩვენზე დიდი შთაბეჭდილება მოახდინა იმ ძალისხმევამ, რასაც საქართველო ახორციელებს სტიქიის წინააღმდეგ ბრძოლაში“- აღნიშნა კარლო ნატალემ.

 თავის მხრივ გიორგი კვირიკაშვილმა ევროკავშირის წარმომადგენელს დახმარების მზაობისთვის მადლობა გადაუხადა. ბორჯომის ხეობაში არსებული ხანძრის შესახებ ინფორმაცია, ევროკავშირის კრიზისების მართვის ცენტრს, საქართველოს მთავრობამ ხანძრის პირველივე წუთებიდან მიაწოდა. თავის მხრივ ევროკავშირმა პროგრამა ,,კოპერნიკუსი“ აამოქმედა. აღნიშნული პროგრამა, ევროპაში, მასშტაბური ხანძრების შემთხვევაში ხორციელდება და სტიქიის ზონების სატელიტურ დაკვირვებას უზრუნველყოფს.

 

Related Articles

Leave a Reply

Your email address will not be published. Required fields are marked *

Back to top button
Close